影片
更多
2023-08-24
33 浏览
原来屋企附近开左间咁Chill既餐厅，环境濶落，楼底高，木黑色格调，好适合三五知己聚一聚，仲可以玩飞标，楼上又有桌球打，最喜欢佢够开扬唔似一般酒吧咁嘈吵和暗黑，食完都唔会成身一阵味。食物方面我可以用惊喜去形容，无论串烧、炸物、主食、定食都一样好有水准。🔸唐扬鱿鱼🦑日式酥炸鱿鱼须，一上枱已传来炸物混合海鲜既香味。鱿鱼须松化回弹力高，可见十分新鲜，味道也恰到好处不过咸，相当惹味。晚市定食好抵，最平$78就有，主菜以外有沙律、汤、前茶、饮品一杯。🔸吉列黑豚御膳定食猪扒都几大块，贴心地用网架上碟，保持表层香脆不泛油，而且够厚切，一口咬落松化嫩滑，保留鲜味肉汁，口感味道都十分好。另附面豉汤、白饭、沙律菜，简单清新刚好中和黑豚的滞肚感。🔸西京猪颈肉定食原块猪颈肉烧香切性，都只系$86，十分抵食，西京烧甜甜地中香猪颈肉既腻，肉质稔软，油脂丰腴，相当惹味。🔸串烧试了几款：黑豚腩、鸡颈肉、一口牛。黑豚腩烧完好香，油脂同肉平均分布，食落唔会只系一阵油，甘香味浓。鸡颈肉嫩滑，一口牛好有嚼劲，牛味浓郁。一定要试仲有冰烧柚子菠萝🍍，真系超好味。菠萝入口冰冻，表层包裹一层晶莹的柚子味焦糖，有啲似冰糖葫芦，甜甜地，
食物方面我可以用惊喜去形容，无论串烧、炸物、主食、定食都一样好有水准。
🔸唐扬鱿鱼🦑
日式酥炸鱿鱼须，一上枱已传来炸物混合海鲜既香味。鱿鱼须松化回弹力高，可见十分新鲜，味道也恰到好处不过咸，相当惹味。
晚市定食好抵，最平$78就有，主菜以外有沙律、汤、前茶、饮品一杯。
🔸吉列黑豚御膳定食
猪扒都几大块，贴心地用网架上碟，保持表层香脆不泛油，而且够厚切，一口咬落松化嫩滑，保留鲜味肉汁，口感味道都十分好。另附面豉汤、白饭、沙律菜，简单清新刚好中和黑豚的滞肚感。
🔸西京猪颈肉定食
原块猪颈肉烧香切性，都只系$86，十分抵食，西京烧甜甜地中香猪颈肉既腻，肉质稔软，油脂丰腴，相当惹味。
🔸串烧试了几款：黑豚腩、鸡颈肉、一口牛。黑豚腩烧完好香，油脂同肉平均分布，食落唔会只系一阵油，甘香味浓。鸡颈肉嫩滑，一口牛好有嚼劲，牛味浓郁。
一定要试仲有冰烧柚子菠萝🍍，真系超好味。菠萝入口冰冻，表层包裹一层晶莹的柚子味焦糖，有啲似冰糖葫芦，甜甜地，菠萝够Juicy，做法有心思。
除左饮酒，都可以拣Mocktail🍹, 好多选择。
🍸Sour Apple Frozen 🍏加入青苹果汁、柠檬汁、苹果汁制成沙冰，淡青色够晒fresh冰凉，味道酸酸地清清地，配浓味食物唔错。
🍸Passion Fizz 热情果梳打，唔会太甜，冰凉解渇。
食物好食选择又多，环境舒服好座又唔嘈吵，服务都几好，仲系通宵营业，又有得睇波，老公同我食完一次之后就约左啲老友再食过，实行男人的浪漫🤣
张贴
