校長燒肉日韓料理 (已搬遷) 新店位置

校长系元朗都开咗一段日子, 加上朋友题议, 于是决定BOOK位。呢到坐位唔算好多, 晚肆WALK-IN可能无位, 多人就最好先落booking。店肉的座位都好宽敞, 抽风都几好, 坐落唔觉好烟。入座后服务员先讲明收费(每位$198+1), 不久服务员就问我哋要唔要加$19试吓新鲜生蚝, 其实都唔算贵, 于是叫了 2只试试。入座后先去扫一圈, 刺生和寿司款式唔算太多, 但都好新鲜, 沙律bar亦唔错, 而占最大部份是肉食鸡、牛、羊、猪和海鲜应该有的都有, 每样都想试, 所以拣咗钟意先拎小小试下, 食完一轮再翻抄。开火不久, 生蚝就到都好新鲜肥美, 入口鲜甜。之后谷饲豚肉卷、谷饲牛肋眼心条和海虾, 肉食都好鲜味, 加上多款酱料, 分外美味; 最后是羊扒, 比我想像中好唔太酥, 调味也适中保留羊肉的鲜味。食完肉又烧蔬菜、菇菌和菠萝, 菠萝经火烧后更鲜甜, 黎到一定要食。之后再烧牛五花和猪五花, 入口肉味又唔错值得推荐。2个钟烧吓食吓倾吓一阵就过仲意犹未尽, 仲有好多款食物未食就饱饱, 揾日再约朋友黎食过。如果7:00结账仲抵食。