生生市場 (捷榮樓)

营业中

休息中

最近返元朗揾爸爸一齐食饭，佢就话之前亲戚买过生生市场嘅外卖觉得几好食，想再食番，所以我就出去买咗个外卖返屋企因为炸鸡都几出名，所以就试咗两款炸鸡，炸鸡嘅粉都比较硬，一款系蜜糖牛油炸鸡，一入口就会食到浓嘅牛油味，呢款口味元主要系来自上面嘅粉，粉越多，味道越浓。另一款系蜜糖蒜蓉炸鸡，蜜糖味比上一款少啲，蒜头嘅味道好出，鸡都系唔嚡嘅👍炸酱面：酱汁入面仲有青瓜同埋腌萝卜，汁入面会有少量嘅肉碎，面条比较粗同埋烟靭，几钟意呢个口感，面上面仲有一只蛋可以捞埋蛋汁一齐食海鲜煎饼：仲有豉油可以掂，豉油嘅味道比较咸，可以吊返海鲜嘅鲜味，最突出嘅会系章鱼粒，而饼嘅口感几湿润软腍