老闆火鍋冰室

营业中

休息中

🐻爸就算天气热辣辣都有股边炉瘾，等佢收工返到元朗，🐻妈我就揾定餐厅等佢开餐。今日我哋胃口特别好，拣左老板火锅冰室，佢哋7月先开始火锅放题，今晚一于食餐劲。去到老板火锅冰室望下餐牌有两个套餐可以拣，分别系$238任食美国Prime Grade牛肩胛同$298任食美国安格斯牛颈脊，价钱仲全包免加一，可以两小时任食。我哋拣左安格斯任食，汤底点左胡椒猪肚鸡煲，可以无限追加鸡件，真系唔怕食唔饱。汤底来到同时仲有赠送既海鲜拼盘，有鲜虾，元贝，贵妃蚌，日本蚝同脆肉鲩五种海鲜，一边食鸡同海鲜既同时，一边追加牛肉，仲见到猪粉肠，猪润等多款内脏，自然唔会放过。牛肩胛同牛颈脊都好重肉味，我哋食完一碟又一碟，猪生肠猪润都好鲜唔腥，值得一赞。唔觉唔觉就食左两个钟，我哋都饱到上心口，捧住个肚满足咁返归。