87 Coffee

营业中

休息中

星期一到五返工都好忙碌，到左星期六日就想揾个休闲宁静嘅地方relax下食餐饭倾下计。去开元朗，dinner嘅时候就系openrice揾到间cafe系附近，就入去试试。cafe嘅装修比较清新简单，上面吊住d植物做装饰，光线都OK，座位都比较舒服，餐厅有两层。睇番餐牌dinner主要系set为主，可以外加钱去加汤或者其它饮品。我地两个人每人叫左两个set。纽西兰一级肉眼扒，五成熟。块扒都几大下，煎嘅火候掌握得啱啱好，食落去系有肉汁嘅，唔会太柴，都有牛肉味。搭配烧汁更好味😋。周围有d车厘茄同薯蓉，车厘茄轻轻煎过下，冇左阵草青味，一啖食落去超级juicy。而薯蓉都比较香滑，会食到小小薯仔粒，真材实料。另一个叫左烤鲜三文鱼扒，块扒好厚肉，块鱼皮煎到卜卜脆，腌制得都好够味，唔加任何汁都可以食得落。鱼扒搭配左d红花汁，令到d鱼少左腥味，但又唔会抢走鱼味，令到鱼更加鲜甜。搭配得都唔错。食滞左嘅话周边有脆肉瓜可以refresh下。而餐饮我地就叫左桂圆枸杞红枣茶同玫瑰普洱茶。两款茶都比较浓郁，食饱饮番杯解滞。