悠 (已結業)

可能系平日下午嘅关系店内唔多人，加上有心思嘅装修，营造出一个舒服嘅气氛，好适合倾计。Lunch Time主要分意粉同all day breakfast类，我地每类点左一样试。意大利巴马臣芝士茄酱肉丸意粉非常欣赏个肉丸，感觉似免治牛肉搓成，食落去唔干身。惟番茄嘅味道感觉有少少过酸。班尼蛋牛油果大啡菇柚子醋沙律将面包、牛油果同大啡菇夹住再加埋班尼蛋嘅蛋汁一齐食好正大啡菇好香，班尼蛋有惊喜，系香港食过好多餐厅个班尼蛋蛋黄系熟晒，但呢间煮得恰到好处，熟嘅蛋白包住半生嘅蛋黄。最后点左杯热明治朱古力系用心嘅代表作好多餐厅系饮咖啡先有拉花 但呢度连朱古力都有 仲要系好特别嘅狮子图案。