薄荷葉泰國菜

营业中

休息中

Happy Friday梗系要食餐好啦，今日就拣咗元朗呢间薄荷叶泰国菜式。系OpenRice睇到有个菜式系泰式羊架觉得好特别，一路都好想去试今日终于可以一尝所愿啦。呢个泰式羊架都几特别，味道酸甜，但系就完全冇骚味，却保留左羊肉嘅香味，味道均匀适中，酸甜味梗加令人醒胃想食多几旧。我哋两个叫咗个马拉盏通菜，炒得香口之余，又唔会太咸，以炒菜来讲佢嘅味道都算系清新，好啱我哋钟意食清淡少少嘅人。而且个份量都好大碟，足够四个人食都得。见到隔离枱有人食薄饼，都几精致，咁梗系要叫埋黄咖喱去衬番去啦，见到呢度有我哋最钟意食嘅软壳蟹，咁就唔使再谂食咩啦。薄饼松软得来又唔会过分油腻，配合黄咖喱去食真系无得输。食完呢个浓味少少嘅𩠌，饮番啖佢嘅麒麟冰泡啤酒，真系爽丫丫架。个啤酒上边啲泡沫系青柠沙味，食完浓味饮佢真系好疏肝。最后梗系食返个硬野做结尾啦，佢个泰式炒金边粉炒得都唔错，酸味适中，令人会忍唔住口食多佢几啖。