篤篤車 (已搬遷) 新店位置

今日同女朋友喺元朗打完羽毛球 大家都好攰啦 所以食番啲淀粉质补充下能量 行过见到有间车仔面 睇落好似好好食 所以就入去试下啦 首先入到去叫咗一个辣汤 入面有鸡翼 牛腩 而女朋友就叫咗清汤 有冬菇 响铃 酸菜 同埋鸡肾辣汤真系名不虚传 真系几辣 辣到我系咁饮水 好刺激呀 但系啲牛腩 完全吸收哂啲汤味 除咗刺激之外仲有浓郁嘅牛肉味 哗真系正呀 食到我一路系咁标汗而女朋友𠮶款比较清 冬菇 好鲜味 而且其他配料 都完全吸收晒汤嘅精华 鸡肾个样虽然似叉烧但系非常之有咬口 值得一赞 之后我哋再叫多一个 炸鸡翼 呢个炸鸡翼炸得非常之香脆可口 点咗酸辣嘅汁 味道更加有层次 非常非常之好食最后就叫埋嘢饮 叫左青柠梳打 贪佢冰冻之余 酸酸嘅味道亦都可以为我哋解辣同埋解滞