影片
更多
2024-05-25
30 浏览
元朗区有好多好食嘅泰国菜。听朋友讲，呢间芭堤雅位置方便，响元朗市中心地带，店面内外装修都好靓好有特色。食物仲几好味。今日终于可以食到满足我挂住泰国菜嘅心愿。炒大煆金边粉大大粒虾，非常弹牙。用甜嘅酱汁炒，虾同金边粉都系炒得好惹味。食得好开胃。和牛船河 呢个好多人都推介。份量好大碗。先饮啖色泽好浓嘅汤底，好清甜浓郁嘅牛骨汤，好正，我连饮咗几啖。船河上面有几块大大块嘅和牛，入口好滑好有牛味😍。仲有啲炸过嘅黄色脆脆面条拌河粉食。呢碗船河食嘅时候口感同层次都好丰富。值得推介。泰式拼盘有4款小食，包括烧猪颈肉，红咖哩鱼饼，炸鸡翼及黄金虾饼，俾埋个泰式嘅甜酸酱沾嚟食。我同朋友都觉得，今次黄金虾饼同红咖哩鱼饼比较出色。虾饼系虾球形状，整得好弹牙，调味都刚刚好。红咖哩鱼饼都系几好味。猪颈肉味道略为淡咗啲。炸鸡翼不过不失。叫咗2杯泰式特色饮品：泰式奶茶，非常浓郁嘅手标泰式奶茶𠮶种味道。😍椰汁冰，又系非常香浓嘅椰汁同椰奶，有朵玫瑰花点缀下，好泰式风情。夏天饮呢个好适合，2杯都好好味。总消费：3百多元
炒大煆金边粉
大大粒虾，非常弹牙。用甜嘅酱汁炒，虾同金边粉都系炒得好惹味。食得好开胃。
和牛船河
呢个好多人都推介。份量好大碗。先饮啖色泽好浓嘅汤底，好清甜浓郁嘅牛骨汤，好正，我连饮咗几啖。船河上面有几块大大块嘅和牛，入口好滑好有牛味😍。仲有啲炸过嘅黄色脆脆面条拌河粉食。呢碗船河食嘅时候口感同层次都好丰富。值得推介。
泰式拼盘
有4款小食，包括烧猪颈肉，红咖哩鱼饼，炸鸡翼及黄金虾饼，俾埋个泰式嘅甜酸酱沾嚟食。
我同朋友都觉得，今次黄金虾饼同红咖哩鱼饼比较出色。虾饼系虾球形状，整得好弹牙，调味都刚刚好。
红咖哩鱼饼都系几好味。猪颈肉味道略为淡咗啲。
炸鸡翼不过不失。
叫咗2杯泰式特色饮品：
泰式奶茶，非常浓郁嘅手标泰式奶茶𠮶种味道。😍
椰汁冰，又系非常香浓嘅椰汁同椰奶，有朵玫瑰花点缀下，好泰式风情。夏天饮呢个好适合，
2杯都好好味。
总消费：3百多元
48 浏览
0 赞好
0 留言
张贴
