崟

营业中

休息中

食铁板烧不单要食到高质既食物，另外令人兴奋既系可以睇到食物制作既过程，见到食材有几新鲜，同师傅既刀工仲有用心制作。新鲜沙律菜，酱油味道比较咸香。粟米非常多汁又清甜。咬落去会喷汁，要小心d慢慢食。帆立贝非常出色，鲜甜可口，汤埋个紫菜高汤，啖啖鲜味，三文鱼子经厨师处理，用左特别既调味令鱼子并无腥味，仲格外清新。日本响螺，螺片切得好薄，味道甘甜，韧中带脆，好爽口。银雪鱼，好香口，鱼肉滑身，仲有薄薄一片既鱼皮，令人食指大动。厚烧和牛，雪花分配得好平均，唔只看起来好靓，食落啖啖肉，油脂岩岩好系口中融化。炒蔬菜，有芽菜同香菇。另外仲有雪糕做甜品，为丰富既套餐画上完美句号。