許祥昌食店

营业中

休息中

搭完西铁落车，有少少肚饿，咁就食少少野先啦，见到有间车仔面，search完openrice见到唔系好伏咁就入去试下啦，坐低左，原来唔系划纸wor,系同呀姐姐讲食咩，起初都唔知有咩食，望望下见到厨房顶果度有d𩠌，咁就望下啦，佢果度𩠌款式真系劲少，有红肠，肠仔，支竹，萝卜，猪皮，鱼蛋，鸡翼尖，云吞，猪红，冬菇，豆卜同鱼肉等咁啦。最后我就同姐姐叫左个油面，猪皮，萝卜同鱼蛋三𩠌面啦。咁个面好快就黎到啦，d汤有少少辣，但个问题系呀姐姐都无问我要唔要辣啦，首先就食鱼蛋啦，鱼蛋就无咩特别啦，唔弹牙，但系都算系交到货。之后就到萝卜啦，萝卜一夹就散，炆到过晒火啦，食落去都好入味，都算ok。跟住就到猪皮啦。佢d猪皮系张我地正常见到嘅猪皮切成一细一细块，跟图片一样，即系可能成碗猪皮份量先等于人地出面食嘅一旧，咁食落去味道都无咩大问题，但系有一样野就好奇怪，就系每一块猪皮上面都有好多毛，跟图中所见，所以最后都唔系好敢食晒啦，油面面底绝对无问题，整体黎讲味道都无咩大问题，期望下次试下佢其他野啦。