INN - I’m Not Nothing (已結業)

因为工作关系所以又要入元朗~ 收工之后就响yoho mall一带四围行下，意外发现呢间隐匿于小巷附近嘅西餐厅由于佢嘅门面好有外国feel, 同周围嘅环境完全系两回事~ 咁反正我又未食晏，就俾呢间餐厅嘅外观吸引咗入去~ 希望食物都好食啦我拣咗香烧焗猪肉眼配玉桂苹果酱+西柚柠檬梳打~ 首先原来有磨菇餐汤跟埋，磨菇味都几香浓兼几饱肚, 唔错至于个主菜猪肉眼同玉桂苹果居然出奇地夹! 令成个肉嘅感觉更加清新~ 肉都几大块，初头望落以为会偏干同硬，但点知食落又ok, 成个配搭几有新鲜感，值得一试个梳打我都几钟意，因为饮落味道唔会好人工好假，加上真系有旧西柚响入面，绝对系清新之选我觉得呢道环境唔错，都几岩三五知己坐低慢慢倾计，可惜今次我得一个人，下次如果有朋友同我嚟，希望可以试埋crepe