古味坊 (已結業)

依家古早味蛋糕盛行，卖古早味蛋糕嘅舖头愈开愈多，而且每次经过都会被一批批嘅蛋糕同香气吸引住，今次去元朗千色广场，发现系广场对面又开咗间新嘅小店，一口气买咗3款口味试下。环境小店一间，光线充足，同依家普遍卖古早味蛋糕嘅店面相若。餐牌流心咸蛋芝士蛋糕 $75呢款最吸引我！又有咸蛋，又有芝士，食落都果然系最啱我口味，蛋糕几重蛋香，中间一层咸蛋同芝士，唔会太咸，味道刚好，咸蛋芝士令蛋糕口感湿润咗，食落无咁干身，不过蛋糕偏实，食落去真系好足面粉，再加上有芝士，食完一小片都真系好饱！黑糖蛋糕 $60本身怕会好甜，可能系将平时整蛋糕嘅白砂糖改用为黑糖，所以食落唔觉得甜，不过黑糖味较淡。抹茶蛋糕 $60最后一款试抹茶，同样唔甜，有少少茶香。总括依然，蛋糕厚实，绝对唔系空气感蛋糕，但依我个人口味而言，可以松软返少少。