影片
更多
2011-10-11
83 浏览
早前试过元朗凤琴街嘅名门䜩客，今日就试吓系名门䜩客对面嘅富临皇宫。呢间富临皇宫，开咗个多月，装修簇新，全店都以白色作为主调，由门口至楼面大堂，都系用宫廷式嘅装修格调，与𠮶名非常匹配；用料主要系天然石材，爵士白云石，加上白色石纹雕花配衬，一室光洁明亮；柱身则包上清镜，减少柱与柱之间的压迫感，望落更感通透；天花亦用了不少木线修饰，再吊上不锈钢水晶灯，简洁之余，亦不失大体。最近，不少新开嘅茶楼，都系采用类似格调装修，可能潮流兴低调奢华，宫廷感之余，又不落俗套；面积都唔细，占用一楼全层，呈大L形，地方阔落。三个人叫咗三𩠌一汤，有银丝海虾煲、脆皮童子鸡、姜汁炒芥兰，同泰式海皇翅，后来再加个竹筒糯米饭。先来银丝海虾煲，可能大厨都知道d虾太细只，所以俾多几只，哈哈；一煲入面，有十几只虾，可以想像到d虾系几咁细，细都唔紧要，试吓味道先，哗，一d虾味都冇，肉身未至于霉，但亦不觉爽，唔敢肯定是否雪藏虾，就算系活虾，都系一d劣等货式，非常失败；至于粉丝，都算炒得干身，唔会一挞挞，黐埋一堆堆，咬感唔错，但系味道就……除咗起镬嘅姜葱味之外，可以话冇咩味 (因为d虾唔得，所以俾唔到味d粉丝)，如果可以用番d靓材料
呢间富临皇宫，开咗个多月，装修簇新，全店都以白色作为主调，由门口至楼面大堂，都系用宫廷式嘅装修格调，与𠮶名非常匹配；用料主要系天然石材，爵士白云石，加上白色石纹雕花配衬，一室光洁明亮；柱身则包上清镜，减少柱与柱之间的压迫感，望落更感通透；天花亦用了不少木线修饰，再吊上不锈钢水晶灯，简洁之余，亦不失大体。最近，不少新开嘅茶楼，都系采用类似格调装修，可能潮流兴低调奢华，宫廷感之余，又不落俗套；面积都唔细，占用一楼全层，呈大L形，地方阔落。
三个人叫咗三𩠌一汤，有银丝海虾煲、脆皮童子鸡、姜汁炒芥兰，同泰式海皇翅，后来再加个竹筒糯米饭。先来银丝海虾煲，可能大厨都知道d虾太细只，所以俾多几只，哈哈；一煲入面，有十几只虾，可以想像到d虾系几咁细，细都唔紧要，试吓味道先，哗，一d虾味都冇，肉身未至于霉，但亦不觉爽，唔敢肯定是否雪藏虾，就算系活虾，都系一d劣等货式，非常失败；至于粉丝，都算炒得干身，唔会一挞挞，黐埋一堆堆，咬感唔错，但系味道就……除咗起镬嘅姜葱味之外，可以话冇咩味 (因为d虾唔得，所以俾唔到味d粉丝)，如果可以用番d靓材料来炒，应该会好好食。其实除咗呢个银丝海虾煲，富临仲有个银丝蟹煲，顾名思义，银丝蟹煲紧系用蟹来炒粉丝，见隔离枱食紧，味道就唔知，不过见𠮶蟹盖都唔细，我谂应该比我哋嘅虾煲好食，哈哈。
跟著，就上泰式海皇翅，其实我哋原本想叫砂锅鸡煲翅，系第二间富临食过，价钱略贵，四佰几一盅，但翅嘅份量都唔少，汤底胶胶哋，亦够味，唔错；但系今日冇，唔知系厨房冇准备，还是沽清，总之就系冇，所以我哋叫咗泰式海皇翅；上枱时，仲有一碟银芽同芫茜跟著上，都几细心；但系一打开煲盖，心知不妙，望落去已经觉得太杰，成煲”生粉水”咁样，入面都有翅，仲有冬菇、虾、带子、肉丝，料尚算足，一啖入口，食到嘅，系味精味，并唔系汤料嘅味道，汤底亦的确太杰，完全冇好感，仲要$268一煲，真系非常唔抵；一人一碗后，都冇人愿意添食。
脆皮童子鸡同姜汁炒芥兰一齐送上；脆皮童子鸡，有d芝麻洒上鸡皮，几香，但皮唔够脆，肉亦唔够嫩滑，冇唛鸡味，成只鸡都未达水平；仲要加四块虾片伴碟，已经系一种非常过时嘅做法，又冇人食，又浪费。
至于姜汁炒芥兰，姜粒就见到唔少，铺系芥兰上，但入口时，却食唔到姜汁味，哈哈，但芥兰则炒得不错，几爽口，唔老，而且落镬前，更将芥兰皮刨走，入口时唔会有渣，的确系有心机。
最后，仲有竹筒糯米饭，攞上枱时，热腾腾，打开竹筒盖，见有烟冒出，可惜闻唔到腊味嘅香味，但眼见糯米饭内的确有腊肉同腊肠，我谂应该系唔够多，同时亦都可能系d腊味唔够靓，所以唔够香；至于饭身，都算ok，虽然及唔上生炒糯米饭咁粒粒鲜明，但亦未至于太湿身，一旧旧，只嫌香味不足，而且油份略为多了一点。
食完后，席间嘅女仕，想食个甜品，攞张甜品纸一看，发现富临提供嘅甜品种类都颇新潮，主力有布甸、凉粉、红豆、雪糕等等，可以有唔同配搭，我哋嘅女仕，就选择咗杨枝甘露布甸；其实只不过系一个芒果布甸摆底，上面再加杨枝甘露；食后评价，布甸质地软滑，唔会太实，杨枝甘露甜度适中，略嫌椂柚肉有丁点苦涩。
埋单$578，每人$192，但系𠮶泰式海皇翅$268太贵了，若减去$268，换上一个普通汤，都只需一佰蚊，可以悭番接近二佰蚊，每人只需佰多蚊，价钱都唔贵；但食物嘅水准，我就觉得对面嘅名门䜩客比较平均。埋单时，仲有生果奉送，不过比较细碟，菠萝都颇甜，唔错，但西瓜则完全冇味，唔掂。
张贴
