Find The Way

营业中

休息中

去咗一间日式coffee shop ，叫做Find The Way，环境、装饰同埋餐具都好有日式coffee shop嘅感觉，可能因为间舖头比较细，所以有最低消费，平日每人最少一杯嘢饮，假日每人至少一杯饮品加一个食物，两个人叫咗一个热香饼、焦糖鸡蛋布丁、一杯iced Cappuccino同一杯 iced 日式皇室奶茶，所有饮品同食物都系喺你面前整，可以俾你欣赏到成个整饮品同食物嘅过程，整体嚟讲，饮品比较优胜，做两杯饮品都睇得到店员好认真，好有心，每一样材料嘅份量都用个磅去磅，但做得好快好熟手，令你感觉店员用磅系对饮品嘅要求好高而唔系唔熟手，加冰过程系连多余嘅水份都要先倒走，Cappuccino咖啡味几香浓，打出嚟嘅奶泡都打得好细致，甜度适中，至于杯日式皇室奶茶，同港式奶茶好唔同，茶味虽然唔浓郁，但系茶味同啲奶味好融合，淡淡嘅奶茶味唔浓烈，但系清香细滑，感觉又系另一种风味，热香饼卖相好日式简约，一个厚厚嘅热香饼，加上煮过微热嘅方形牛油，自己加糖浆，整体外观唔错，但唔够松软，入面比较实，蛋香亦都唔够，如果薄身啲煎香啲会比较好，焦糖鸡蛋布丁卖相都好好，面头有cream，加埋个焦糖浆，甜味足够