永年士多 (Wetland Seasons Park)

营业中

休息中

「永年」可以話係元朗傳統老店，但住天水圍咁耐，一路都未有機會去元朗食，近排得知佢地係天水圍開咗分店，仲要係屋企附近，趁住今日落雨唔想出街，一於買外賣返屋企慢慢嘆。自選三餸車仔麵 :三餸揀咗豬皮、蘿蔔及牛腩，麵底要油麵，餸嘅份量都幾多，蘿蔔鮮甜無渣，牛腩亦炆得好入味，微咖哩辣食落相當惹味。自選三餸蔥油撈麵 :餸揀咗魚蛋、冬菇及墨魚春卷，再加麻辣豬耳，粗麵爽口彈牙，食落無鹼水味，蔥油令撈麵充滿油香味，再加上豬耳嘅麻辣，份外開胃。麵加$21有一份生菜，太太喜愛清淡，所以揀咗全走，入口新鮮爽脆。咖哩三寶 :有豬皮、蘿蔔及魚蛋，全部煮得好入味，雖然只係叫咗小辣，但辣味後勁十足，辣得好過癮。蝦籽菜芯 :菜芯鮮嫩唔老，蝦籽份量都幾多，鹹香味更能帶出菜芯嘅鮮甜味。紅豆奶茶冰 + 樽仔烏龍茶 :滿滿嘅紅豆加上港式奶茶，比傳統紅豆冰更有風味，奶茶嘅苦澀味配上紅豆嘅甜，味道好有層次。而樽仔烏龍茶茶味甘香，有助減輕飽膩感。