小確幸

营业中

休息中

佢呢个食得出个布丁真系好滑。另外佢下面个芝士蛋糕亦都好香浓，而且仲有少少湿润，识落俾我似系食紧疏乎厘芝士蛋糕。而佢𠮶焦糖浆食落都好有焦糖味。又布丁又芝士蛋糕又焦糖你以为会好漏？咁谂嘅话就大错特错，因为出奇地佢竟然唔系太甜架！佢绝对系一个令人哋好容易回头再买过嘅布丁。佢个朱古力味真系劲浓，但系就系因为咁而令到底层嘅芝士蛋糕味一啲都唔突出。另外佢虽然叫做布丁烧但系小编觉得佢布甸𠮶度比较似系慕丝嘅口感多啲。另外佢呢个其实系除咗朱古力味之外就咩味都食唔出。不过朱古力味真系好浓郁，朱古力控可以考虑吓！另外佢既焦糖味都唔系好出，应该系三个之中最弱。佢呢一个布丁烧睇落个层次就比较分明少少。抹茶味都几香浓虽然就冇回甘，但小编觉得都合格。不过啲抹茶味盖过咗啲蛋味，但都算系人之常情。即使抹茶味香，但仍然都可以食得出焦糖味同埋芝士味，三种嘅味道一齐放入口真系好好食呀！不过佢呢个布甸就比较挺身少少。注意：佢哋依家只限买4个。另外佢哋一日会有两批12nn & 6pm，宜家仲玩埋派筹添，想试嘅就要留意啦！