Overlap Coffee

营业中

休息中

之前经过元朗西铁站附近，见到呢间Overlap开张唔系好耐，就同老婆讲下次揾机会食下。今日晏就两个都得闲，谂起呢间overlap，二话不说就决定食佢。Overlap门面同装修都走简洁路线，店舖坐位唔多，餐牌有意粉，窝夫，吐司等主食，仲有好多款特色咖啡。我哋拣左日式和风拿玻里扁意粉同明太子海胆忌廉蟹肉扁意粉，拿玻里汁酸酸甜甜，好开胃，而明太子汁好足料，每一口都系明太子既味道，配上海胆又甜又惹味，扁意粉煮得啱啱好，有咬劲又唔会太生。特色咖啡Forest用上埃塞俄比亚咖啡豆，饮落好清新，入口微甜配上咖啡同青柠既酸，好解暑，适合炎夏饮用。另一杯Lumos上层系奶盖添上桂花花酿，下层系咖啡配上白桃乌龙茶，奶盖既顺滑搭上白桃茶混合咖啡，又香又甜，好有特色。