Sole Coffee (已結業)

今日约咗啲朋友入元朗行街,顺便带我揾啲好嘢食下,朋友带咗我去饮咖啡顺便可以食啲嘢。Sole Coffee, 餐厅嘅装修以白色为主,望落去好整洁,加上门口有啲小盆栽,有一种好悠闲舒适嘅感觉。All Day Breakfast 68 元,卖相十分之好,加上全部系有营养嘅食物,感觉好健康。食物方面有大啡菇,烟三文鱼,多士,沙律菜,牛油果蓉,希腊芝士,露荀,最钟意就系佢啲牛油果蓉多士一齐食,食到多士嘅香脆又有牛油果嘅清香味道。大啡菇烤到啱啱好,味道清新食落去又爽口。露笋非常鲜嫩,沙律菜味道清甜,食埋个蕃茄酸酸甜甜特别开胃。日式蟹膏酱松叶蟹肉忌廉意大利面 118 元,呢个意粉绝对有惊喜,蟹肉超级多,一丝丝舖满喺意大利粉上面,蟹肉味道鲜甜,加上一丝丝入口特别有口感。意粉吸收咗蟹肉嘅鲜味食落去特别香。呢个意粉绝对系100分,好好味。饮品方面选择咗一杯冻朱古力,朱古力味香浓最紧要唔会太过甜,味道调教得啱啱好😙朋友就点左杯Latte,咖啡味道非常香浓，入口饮到咖啡嘅甘香再嚟就到奶嘅香甜味，因为加咗奶咖啡更加幼滑，味道更加有层次❤️