酒泉日本料理 (已結業)

约旧同事食饭，大家都想食日本野，有人提议酒泉，于是就黎试下。个晚我最早到，所以付责等位，差唔多七点，门口已经好多人，等左三十分钟左右先有位，旧同事刚到，时间真系啱啱好。三个人，叫左八样野，其中三样系特大寿司。三文鱼寿司，真系好大！好味！有机三文鱼寿司，又系好大！我无食，同事话同平时食开D一样。蟹子沙律，超大，青瓜好新鲜，好多蟹子同蟹柳，不过太多沙律酱，食到底有D酸。南瓜同蕃薯天妇罗，啱啱炸起好热，无好油，算唔错。鳗鱼卷，无乜特别。烧青鱼，好大条，见到咁黑本来好失望，点知去皮后入面好JUICY，好好味！推介！！仲有叫左八爪鱼寿司同三文鱼刺身，唔记得影相，前者无食，三文鱼刺身好肥美，厚切，正！我地食得慢又加上吹水，成三个钟先走，其间侍应不停帮我地REFILL茶，亦没有赶客行为，赞！D野好食，份量又足，有服务，唔怪之得要等位啦。