渝林庭重慶小麵館

营业中

休息中

店面好细嘅一间小店，4-5张枱左右，可以望到入面厨房煮野。闲日晚饭时间唔算多人，但都不断有人入黎食野同叫外卖。酸菜鱼 $178★★★★☆见餐牌酸菜鱼冇大细之分，辣度叫左小辣，唔会好辣！见佢最后用热油淋落啲花椒、干辣椒，激发啲香味！一开始闻落攻鼻都怕太辣，但食落还好。鱼份量几多，两个人够哂食，冇得简边只鱼或者去骨，但即使有骨亦唔算太多，偏向大骨。鱼块食落系新鲜，唔会霉同冇腥味，肉质爽口，但滑度比起之前食冇咁滑，但又未到鞋口。汤底唔会好油腻同死咸，个酸味好出色，钟意食酸嘅唔可以错过！除左有鱼之外，配料仲会有几条火锅粉、娃娃菜、腌萝卜、酸菜、芽菜，食落几丰盛。欣赏佢个腌萝卜，够酸得黎仲超爽脆，食左好开胃。另外我地叫左份莴笋加入去，原来系切成条状，同我预期系一片片有出入，但吸埋啲汤汁，又酸又爽脆，好清爽！凉拌黑木耳 $30★★★☆☆正常普通凉拌小菜，冇咩太特别，普通用麻辣酱拌嘅味道，但觉得个酱唔够惹味，可能落得太小，木耳够爽脆！🌟总括：钟意食酸嘅可以一试酸菜鱼，鱼够新鲜，不过就有骨。一份酸菜鱼都算够2个人食，但如果大食D或者男仔就要叫多个小食同埋加饭面。小食味道就正常。