泰發泰國餐廳 (滿利大廈)

营业中

休息中

又系元朗揾食，今次食呢间泰国菜，朋友之前食过推介可以一试。吾好睇佢店舖细细，不过人客颇多，所以无论外卖或堂食都需要耐心等候。由于室内坐位不多，所以我和朋友选择了坐室外进餐。串烧最少两串起，点了2串沙爹猪肉（$28）和两只鸡全翼（$40），串烧非常出色，有炭火烧烤香味而又充满肉汁，必食推介。「招牌柠檬烧牛肉」（$129），份量十足，牛肉很嫩滑，配上柠檬汁滋味非常。「红咖哩鸡」（$75）当然要配埋薄饼（$26/两件）一齐食先至正啦，咖喱香浓好味，喜欢泰式咖喱嘅朋友一定要试啦。「木瓜沙律」（$59）和「泰国青芒沙律」（$65）两款沙律各有特色，两款都好想食。今日特别饿，咁就唔好谂，一于两个都要晒啦。甜品有第二个胃，食泰国菜一个必食嘅一定系「芒果糯米饭」（$63），一大个芒果，配上三色嘅粒粒软香糯米饭，加埋椰奶完满。