阿叔泰麵 (西菁街) (已結業)

呢间泰式小店想去好耐，虽然地点唔系元朗最旺嘅位置，但夜晚黎到都几多人食，好彩咁啱都有位，唔洗等😁【牛肉船面】$58呢个好多人都推介，食完一次都真系觉得值得推介，汤底用牛骨制成，汤底浓郁得黎唔会有好重味精嘅咸，而且碗面好足料，有四旧牛腩，每旧都煮得好腍、好入味，重有3粒弹牙猪肉丸，配有脆猪皮，好香口，重点系份量唔似泰国食咁样细细碗，适合香港人嘅食量😋【烧猪颈肉饭】$58呢个猪颈肉都好有惊喜，每旧猪颈肉都烧得好靓，完全唔会好硬好干好难咬，猪颈肉份量都几多，配埋泰式酸汁，好开胃！【泰式玫瑰奶茶】$30泰式奶茶一向都系偏甜，呢杯都唔例外，玫瑰味偏重，茶味反而唔太浓，如果斋饮就会觉得太甜了，但配船面食就啱啱好，食完咸咸地嘅船面，饮返甜野都几好，都值得一试。