新記煲仔雞粥 (已結業)

男友寻日返完通宵更今朝返黎元朗同我一齐食brunch😀唔知食咩好就决定清清地食碗粥，好过成日麦记/茶餐厅早餐咁闷🙈我叫咗个煲仔生滚贵妃鸡黄鳝猪肚粥，男友叫咗猪润炒面同泰式凤爪～粥底好绵，好重鸡油香味👍鸡肉非常嫰滑，有啲咸味似客家咸鸡粥😅 猪肚唔韧，黄鳝完全唔腥而且好爽脆，有个煲仔保温所以食到最后啲粥都系热👍果然系招牌菜式👏 炒面即叫即炒，食落好有镬气，啲面够干身，好香豉油味猪润爽口唔粉，系我中意食既口感😋泰式凤爪无乜骨够晒方便👏 微微辣兼好香芝麻味，唔错👍呢度食物好多选择，似系大排档，粥舖同茶餐厅既混合体，岩晒我呢啲咩都想食既麻烦人🤣