圓老爺雞煲小廚 (已結業)

入元朗探朋友，唔惊冇饭开，因为元朗实在太多好野食。圆老爷，个名好搞笑，唔知食咩架呢？系门口见到巧手精美小菜，好吸引㖞。好，坐底睇下有咩好食先。菠萝生炒骨，甜酸度控制得好好，生炒骨脆皮又够热，咬落仲啖啖肉，唔会粉，正！豉椒炒大蚬，明符其实大蚬，只只都厚肉大只，肉身弹牙多汁。四川麻辣水煮龙趸班球，好有份量，超大碗，龙趸厚肉冇骨，麻辣味几香，唔错！不过我好食得辣，如果再辣多少少更完美。食到底仲有红薯粉，个粉吸左个汤底，好好食啊⋯⋯有肉，当然要有菜啦，金银蛋苋菜，有d汤，湿湿地，我钟意食，好过食炒菜，个份量都好足，我同朋友仔，一人食左三碗菜，哈哈！