校長燒肉日韓料理 (已搬遷) 新店位置

今日约左d中同黎校长烧肉食烧肉放题，果然无令我地失望，食到个个都捧住肚走人。黎到校长日韩烧肉，除左烧肉之外都仲有好多好野食！首先最吸引我地当然系刺身bar，刺身种类都有几款选择，今晚就有三文鱼、玉子、蟹棒等。我最钟意食三文鱼，所以攞左几次呢！除左刺身之外都有一d寿司比大家简。refill速度都好快！除此之外仲有沙律同前菜比你自己选择，熟食方面有炸物、汤同埋炒面类，多元选择！至于烧烤方面，今晚海鲜有元贝同鲜虾，元贝好细心地已经剥壳，唔洗阻住好多位。蔬菜类有金菇、鲜冬菇、韭菜、三色椒、番薯仔、菠萝等等。烧菠萝好甜多汁，真系令人一食再食。肉类方面、猪牛鸡羊都有好多款，我觉得最好味系牛五花，因为烧一烧就食得，配上酱汁超入味！另外呢到有提供鸡软骨，第一次自己烧鸡软骨，加d蒜蓉落去食真系好香口！其他肉类试左唔系好多，因为真系太多款啦！食到超饱！最后食埋甜品，有雪条、泡芙、椰汁官燕，好正！下次都会再约黎呢到食晚饭！