篤篤車 (已搬遷) 新店位置

在元朗一直找不到好食的车仔面，今天终于有大发现了⋯⋯呢间「笃笃车」车仔面，店面细细间，但系人流就源源不绝，皆因他的车仔面汤底够特别⋯⋯其实车仔面来来去去都系𠮶啲材料，要出奇制胜，真系唯有响个汤底𠮶度显然其特色之处。呢度嘅汤底有鳄鱼肉浓汤汤底可供客人选择，而且有辣味同冇辣味之分，悉随尊便，个汤底仲放咗红枣、杞子、同菇菌，饮落好入味，好浓郁，真材实料。啲车仔面𩠌全部都炆得好淋身，好入味，好似萝卜咁，几乎入口即溶，鲜甜无比。就连猪肠、牛肚、牛腩、牛筋等等，呢啲比够烟硬的食材都炆得好淋，味道亦都好好，相信应该花咗唔少时间去处理，所以相信呢度都系一间用心去经营的小店！除咗车仔面，小食都有好几款拣，网纹春卷，配泰式甜辣酱，酸酸甜甜，香脆可口，马拉盏炒芥兰，虽然系辣左少少，不过个味道都好好。另外饮品都有啲心思，一杯青柠薄荷梳打睇落简简单单，但系青柠梳打好明显有加到青柠汁，饮起上嚟有好浓的青柠味道，加上新鲜的薄荷叶，令人更加有一种好清凉、好清新的感觉。最钟意帮衬一啲有心经营的小店，所以呢间一定会再帮衬。