土耳其小城 (萬昌樓) (已結業)

见有返晚市堂食之后，正好放工经过元朗就揾埋朋友食晚餐！嚟到丰年站附近见间新特色餐厅，叫土耳其小城就入去试试。首先系头盘陆洲沙律，以三角豆蓉配上青瓜萝卜丝，豆香清新，配埋软薄饼一齐食，够哂开胃。之后饮品就到，超级快手！朋友叫杯芒果乳酸，非常浓郁，解香辣简直一流，我就拣咗苹果白露，苹果味浓味道清甜，而且系超惊喜嘅青绿色，最啱打卡。之前系重头菜，地皇鸡配上蒜油烤饼！三大块烤饼一上枱已经闻好阵阵蒜香，新鲜热辣仲系胀卜卜嘅，十分推介。我哋用嚟点地皇鸡，属于微辣香草咖喱，鸡肉嫩滑，配埋偏酸蕃茄作调味，一流！我配埋枱面三色酱一齐食，味道香浓。我地仲叫咗烤野鸡肉卷饼，饼卷香软，内有生菜、蕃茄、洋葱，加埋香浓鸡肉而且超级多汁，调味相当好，烤得好香劲惹味，下次一定要再食。