雋太日本料理 (已結業)

早排学校考完试，约左个老死去食放题庆祝一下，拣左元朗呢间隽太放题，因为之前同屋企人食过，味道唔错，值得再试&推介比朋友。只不过呢间放题位置都几偏僻，落左轻铁/西铁都要行5-15分钟路程同埋都几难揾(对于唔系住元朗既人)。一如以往啦，每一个Timeslot开始之前30分钟已经有人排队，去到开始果阵门口更加系迫满人，所以可以的话记得订位！刺身种类都叫做足够，味道都唔错，推介食甜虾，大只又好食！呢间放题仲会有生蚝食，不过要加钱，钟意食生蚝既朋友呢间放题非常岩你！其实食物味道不过不失啦，天妇罗略嫌多左少少粉。纯粹个人喜好，本人非常钟意食泡芙，所以见到呢间放题有提供都几惊讶！其他甜品更加有Movenpick雪糕，不过之前同屋企人食果过仲系任叫，宜家限左每人只可以叫一个。Overall 味道唔错，价钱可接受，算系物有所值。服务都抵赞，员工态度好，无漏单，上菜快！只不过座位有少少迫，多人果阵要搭枱，出入都几唔方便。