影片
更多
2023-08-04
40 浏览
PROTON📍元朗教育路83号地舖今晚同阿妹行完元朗广场，用OpenRice揾到一间好适合打卡嘅工业风cafe，难得爸妈撑枱脚，我哋都揾嘅cafe坐下叹下晚餐。呢度晚餐嘅main course都有接近二十款，前菜、小食同甜品加埋都有十几种，款式多得眼花撩乱，总有一款啱你心水。而且佢哋有dinner set嘅优惠，用唔同嘅价钱就可以享用到唔同嘅晚餐组合，丰俭由人，比较高自由度。提提大家呢度用餐时间只有90分钟，而甜品系要叫起嘅，可能系即叫即做，所以都要等下㗎，记得要预返时间呀！ 💰$58樱花虾虎虾金柚田园泰式沙律 🍤🥗我哋拣咗$58升级套餐优惠，佢包咗头盘、甜品同一杯饮品。套餐优惠有五款前菜可以选择，包括三款沙律同两款汤品。我对沙律一般唔大兴趣，所以我就比阿妹拣佢想食嘅前菜。佢拣咗呢款樱花虾虎虾金柚田园泰式沙律，樱花虾干脆脆哋好香口，沙律菜同一般嘅无咩大分别，但个金柚酱好突出，除咗食到一粒粒嘅柚子之外，佢仲带有微微嘅辣味，酸酸甜甜非常醒胃，亦切合菜名泰式沙律，富有泰式风味。值得一提系佢两只大大嘅虎虾，上面耍有些微黑椒调味，虾肉弹牙爽口，而且剥咗壳，食嘅时候非常方便。 💰$158 脆香软壳
📍元朗教育路83号地舖
今晚同阿妹行完元朗广场，用OpenRice揾到一间好适合打卡嘅工业风cafe，难得爸妈撑枱脚，我哋都揾嘅cafe坐下叹下晚餐。
呢度晚餐嘅main course都有接近二十款，前菜、小食同甜品加埋都有十几种，款式多得眼花撩乱，总有一款啱你心水。而且佢哋有dinner set嘅优惠，用唔同嘅价钱就可以享用到唔同嘅晚餐组合，丰俭由人，比较高自由度。
提提大家呢度用餐时间只有90分钟，而甜品系要叫起嘅，可能系即叫即做，所以都要等下㗎，记得要预返时间呀！
[价钱 Price]
💰$58
樱花虾虎虾金柚田园泰式沙律 🍤🥗
我哋拣咗$58升级套餐优惠，佢包咗头盘、甜品同一杯饮品。套餐优惠有五款前菜可以选择，包括三款沙律同两款汤品。
我对沙律一般唔大兴趣，所以我就比阿妹拣佢想食嘅前菜。佢拣咗呢款樱花虾虎虾金柚田园泰式沙律，樱花虾干脆脆哋好香口，沙律菜同一般嘅无咩大分别，但个金柚酱好突出，除咗食到一粒粒嘅柚子之外，佢仲带有微微嘅辣味，酸酸甜甜非常醒胃，亦切合菜名泰式沙律，富有泰式风味。值得一提系佢两只大大嘅虎虾，上面耍有些微黑椒调味，虾肉弹牙爽口，而且剥咗壳，食嘅时候非常方便。
[价钱 Price]
💰$158
脆香软壳蟹虎虾蟹籽粉红汁手工意大利面 🦀🍤🍝
主菜其实我本身系想试下呢度嘅软壳蟹risotto，不过我妹唔想食饭，所以就拣咗呢个手工意大利面啦。虽然佢话系粉红汁，但感觉上同一般嘅蕃茄酱汁无明显嘅分别，手工意大利面比一般嘅面条粗，食嘅时候除咗挂汁，亦都黏上好多蟹籽，令口感更加丰富。呢道主菜同样有虎虾，都系一样咁弹牙爽口，配埋个粉红汁一齐食都几夹。主角软壳蟹造型非常抢眼，好似一大只蟹爬咗上碟意粉到咁，虽然比想像中厚粉，但都食到入面嘅膏系好浓郁嘅。
[价钱 Price]
💰$48 (升级PROTON系列甜品)
绿茶提拉米苏 🍵🍰
我会拣呢间cafe系因为见到佢嘅甜品整得几有心思，一嚟可以打卡，二嚟可以满足一下我嘅sweet tooth，所以一口气叫咗两个甜品。首先要介绍嘅系呢个green tea tiramisu，我哋系加咗$48升级PROTON系列甜品，比原价$80一个抵食。我从来未食过绿茶味嘅tiramisu，无谂过绿茶同tiramisu结合咗系咁好食嘅！佢绿茶嘅芝士部份其实系偏甜嘅，但洒上面嘅绿茶粉就带有苦味嘅，夹埋唔会浸到淋晒嘅手指饼一齐食，真系好好味呀！
[价钱 Price]
💰$80
草莓芝雪山 🍓🥐🗻🫐🍰
另一个甜品我哋就拣咗呢个草莓芝雪山，我拣佢嘅原因系因为佢有齐韩式人气croffle同blueberry cheesecake，大大大满足！呢次系我第一次食croffle，估唔到用croissant压成嘅waffle可以咁酥脆咁好食！上面仲要放咗一大球冻冰冰嘅士多啤梨味雪糕，仲可以将croffle切细点半溶嘅雪糕嘅雪糕嚟食！而我妹就比较欣赏佢嘅blueberry cheese cake，虽然唔系特别浓芝士味，但胜在唔会太腻，食到好滞。仲有一个特别嘅位，就系佢会放咗啲粟米片做点缀，虽然系普通嘅食材，但配埋啲甜品嚟食都系一个唔错嘅选择。唯一美中不足嘅地方就系个士多啤梨酱太甜，加落甜品到食会有点抢戏，如果味道淡返少少，多返啲天然味道会更加好食。
[价钱 Price]
💰$42 (套餐已包)
冻意大利朱古力 🍫🥛
最后我比阿妹拣咗杯套餐包咗嘅饮品，佢拣咗杯iced Italy chocolate，饮落甜度适中，后劲有少少苦涩味，比一般嘅朱古力饮料好饮。
张贴
