丼家和食 (已結業)

夜麻麻陪男友系元朗运动场度做完运动之后，已经就快十点噜。元朗真系有好多好野食，友人推介呢间丼饭价钱合理又几好食，于是就试下佢啦！去到以为里面无咩人已经打烊，好彩有问一问原来未关门。我地叫左M4 温泉蛋洋葱牛肉丼 $68 仲有N2 鳗鱼炒饭 $72首先个丼饭份量系够我一个女仔食，男友就觉得有少少唔够，不过唔紧要啦，做完运动唔好食咁多野都好牛肉份量十足！！食极都有，每一啖都配到牛肉食，好满足。而味道唔系普通吉野家既牛饭既汁，加入洋葱令个汁甜啲，加上珍珠米，唔怪得男友话唔够食啦而鳗鱼炒饭就好岩我口味啦，店家好大方咁落左好多鳗鱼粒 每粒米都有沾上鳗鱼汁，连埋葱同芝麻炒出个香味。平时最惊炒饭既米粒湿湿lup lup, 但系呢间既炒饭做到粒粒分明，有咬口，加分！总结：店员态度几好，店铺亦干净企理，见道夜晚收舖时有将menu架仔细抹干净。期待系元朗发掘更多高质小舖。