影片
更多
2023-08-27
103 浏览
周末去咗元朗探朋友顺便饮饮食食，晚餐朋友带咗我去食中式串，串烧系正宗嘅四川风味，有提供唔同辣度选择，小辣我同朋友唔系好食得辣都食得到，餐厅都好细心，有提供「小火炉」帮啲串烧保温，让食客可以慢慢食，最意外系串烧店嘅炒米粉同水果茶竟然好出色，呢间小店值得再度光顾。500ml Hoegaarden七点前生啤有happy hour优惠，食串烧点可以唔饮啤酒，二话不说先嚟两杯生啤先。家乡炒米粉 ⭐️⭐️⭐️⭐️⭐️朋友话炒米粉系必食之选果阵我有啲怀疑，觉得佢讲笑，试过之后我都十分同意炒米粉系必食之选。米粉炒得干身唔油腻，每条米粉沾到调味料炒得好均匀，配料有生菜丝、叉烧丝、炒蛋同葱，配料虽然简单但搭配得好好，叉烧同炒蛋嘅香味令到米粉嘅味道好丰富，生菜丝既可以增加口感又可以食起上嚟冇咁干。茄子⭐️⭐️⭐️⭐️⭐️茄子熟得好透，皮肉好容易就分离咗出嚟，茄子肉嫩多汁，香甜嘅茄子烧熟稍作调味就已经好够味，孜然香同葱香令整体变得更惹味。秋葵+鸡中翼+羊髀肉 ⭐️⭐️⭐️⭐️秋葵新鲜爽嫩，味道正常。鸡中翼外皮焦香，鸡肉嫩滑，孜然味更添风味。羊髀肉软腍，羊膻味同孜然味系天作之合，似系东北食到嘅地道风味。芫茜⭐️⭐️⭐️⭐️⭐️芫茜打边炉就食得多，烧
500ml Hoegaarden
七点前生啤有happy hour优惠，食串烧点可以唔饮啤酒，二话不说先嚟两杯生啤先。
家乡炒米粉 ⭐️⭐️⭐️⭐️⭐️
朋友话炒米粉系必食之选果阵我有啲怀疑，觉得佢讲笑，试过之后我都十分同意炒米粉系必食之选。米粉炒得干身唔油腻，每条米粉沾到调味料炒得好均匀，配料有生菜丝、叉烧丝、炒蛋同葱，配料虽然简单但搭配得好好，叉烧同炒蛋嘅香味令到米粉嘅味道好丰富，生菜丝既可以增加口感又可以食起上嚟冇咁干。
茄子⭐️⭐️⭐️⭐️⭐️
茄子熟得好透，皮肉好容易就分离咗出嚟，茄子肉嫩多汁，香甜嘅茄子烧熟稍作调味就已经好够味，孜然香同葱香令整体变得更惹味。
秋葵+鸡中翼+羊髀肉 ⭐️⭐️⭐️⭐️
秋葵新鲜爽嫩，味道正常。鸡中翼外皮焦香，鸡肉嫩滑，孜然味更添风味。羊髀肉软腍，羊膻味同孜然味系天作之合，似系东北食到嘅地道风味。
芫茜⭐️⭐️⭐️⭐️⭐️
芫茜打边炉就食得多，烧芫茜都系第一次食，本身想像芫茜烧完之后会㶶晒，结果冇㶶之余仲保留到原本嘅碧绿，味道都比想像中好，结果我哋食咗两串。
韮菜⭐️⭐️⭐️⭐️⭐️
印象中烧韮菜系串烧嘅灵魂，每次食中式串烧都必点，呢度嘅韮烧同样出色，肥美嘅韮菜烧完都仲juicy多汁，韮菜独特嘅味道同孜然味系绝配，重口味朋友嘅至爱。
北海道活元贝⭐️⭐️⭐️⭐️⭐️
元贝煮完之后好多汁，加咗粉丝可以索咗元贝嘅鲜甜味，一啲都唔浪费，元贝大大粒，食落鲜嫩弹牙，最重要系唔腥。
牛舌+菠萝 ⭐️⭐️⭐️⭐️⭐️
大大旧厚切牛舌食落软腍，满口都系牛脂香，孜然香同轻微嘅辣度令到油腻感减轻，牛舌香味大大提升。菠萝烧后酸甜多汁，可以中和返肉食嘅油腻感，系最好嘅一道菜。
水果茶⭐️⭐️⭐️⭐️⭐️
去到尾段，朋友稍有醉意唔敢再饮啤酒，于是转咗饮水果茶，绿茶底配以丰富嘅水果苹果、血橙、火龙果、菠萝，水果嘅香甜配合咗绿茶嘅清新，整体非常解渴清暑，结果好有惊喜。
张贴
