影片
更多
2024-06-28
64 浏览
招牌即烧鸡招牌果然系招牌，落单嘅时候话要等30分钟，仲谂紧要咁耐🤣但系真系等得值嘅！！上台感觉平平无奇，剪开嚟食先发现佢个皮真系好脆🥹仲脆过炸子鸡～块皮唔会好肥好油，但系食落又好多汁，就算系烧鸡都完全唔觉得柴，真系唔知佢点做到，大赞！！蜜椒薯仔牛柳粒咧道𩠌可以话系我去食大牌档嘅时候必点。佢个牛柳粒好香，牛柳粒同薯仔外面有层薄薄嘅蜜糖包住，食起嚟咸中带甜咁，好正～黄鳝啫煲估唔到佢份量都唔少，好多黄鳝，而且上台嘅时候热辣辣，捞匀啲汁嘅时候沙沙声。啲黄鳝好嫰滑弹牙，加埋佢个秘制酱汁同葱蒜咧啲配料味道一流，如果可以喺冬天食仲正红牌肥仔炒饭 睇个名有啲好奇系咩炒饭，问个店员有咩配料，佢话系睇厨师落啲咩，大牌档版嘅omakase🤣🤣🤣一于试下佢～原本都惊有啲伏，估唔到配料都几丰富，而且味道都唔错。炒饭炒到颗粒分明，够镬气，而且唔会觉得油腻，今次就有鱿鱼须、虾米同菜心粒，唔知下次会系咩呢...欢迎大家试完话我知～咧间大牌档有啲冷气位，不过唔多，如果真系唔想咁热坐出面就可以预先打电话问下或者早啲到la! 比我讲多次，佢个烧鸡真系好好食🤤
招牌果然系招牌，落单嘅时候话要等30分钟，仲谂紧要咁耐🤣但系真系等得值嘅！！上台感觉平平无奇，剪开嚟食先发现佢个皮真系好脆🥹仲脆过炸子鸡～块皮唔会好肥好油，但系食落又好多汁，就算系烧鸡都完全唔觉得柴，真系唔知佢点做到，大赞！！
蜜椒薯仔牛柳粒
咧道𩠌可以话系我去食大牌档嘅时候必点。佢个牛柳粒好香，牛柳粒同薯仔外面有层薄薄嘅蜜糖包住，食起嚟咸中带甜咁，好正～
黄鳝啫煲
估唔到佢份量都唔少，好多黄鳝，而且上台嘅时候热辣辣，捞匀啲汁嘅时候沙沙声。啲黄鳝好嫰滑弹牙，加埋佢个秘制酱汁同葱蒜咧啲配料味道一流，如果可以喺冬天食仲正
红牌肥仔炒饭
睇个名有啲好奇系咩炒饭，问个店员有咩配料，佢话系睇厨师落啲咩，大牌档版嘅omakase🤣🤣🤣一于试下佢～原本都惊有啲伏，估唔到配料都几丰富，而且味道都唔错。炒饭炒到颗粒分明，够镬气，而且唔会觉得油腻，今次就有鱿鱼须、虾米同菜心粒，唔知下次会系咩呢...欢迎大家试完话我知～
咧间大牌档有啲冷气位，不过唔多，如果真系唔想咁热坐出面就可以预先打电话问下或者早啲到la! 比我讲多次，佢个烧鸡真系好好食🤤
张贴
