極尚大瀛喜日本料理

营业中

休息中

好多年都冇食过日本料理放题啦！今日我地近近地去左元朗YOHO「极尚大瀛喜日本料理」食放题。好彩一早Book 定位，5:00已经全场满座。每次食放题都一定会食刺身，刺身种类够多，有三文鱼、北寄贝、油甘鱼、吞拿鱼、甜虾、带子，件件都系厚切，而唔系切到薄薄一片比你，刺身质素都相当不错，其中三文鱼够肥美；北寄贝肉质肥厚；八爪鱼刺身口感清脆弹牙，除左刺身，以到仲多款口味的寿司，手卷，全部细细件，食多几件都唔怕啦。烧物和炸物一样好出色，上到枱都依然热辣辣，有烧菠萝、烧翠肉瓜、芝麻鸡翼、咸蛋黄虾、炸鲜奶、天妇罗等等，最正以到竟然有烧榴梿，榴梿好Creamy ，我地encore 左好多件，钟意食既朋友真系唔好错过啦。食物采用QR落单，方便又环保，上枱速度和收碟速度都好快，最紧要系冇漏单，除左QR落单之外，自助吧有多款熟食、前菜、甜品、生果、饮品、雪糕、夹糖区，最正以到既雪糕有齐Häagen-Dazs和movenpick两款都可以任食，食多几杯都抵返晒，性价比超高。