尚泰太 (已結業)

Weekend 入元朗探朋友，顺便带我食好嘢。今日去咗食附近嘅泰国菜。尚泰太原来系尚梦饮食集团嘅一间泰国餐厅。之前尖沙咀都有食过佢哋嘅鸡煲。讲返今日嘅菜式先，我哋两个人点左三个𩠌，而且味道都唔错。泰式盐烧鲈鱼$139每次食泰国菜都会食烧鱼，或者明炉鱼，因为屋企比较难做。烧鱼可以选择鲈鱼或者乌头，鲈鱼肉质会比较滑，而乌头会大条啲，肉质比较饱满，我哋钟意食比较滑嘅鱼，点左鲈鱼。火喉烧得刚刚好，盐烧嘅好处系，用粗盐锁住鱼皮内嘅肉汁，所以鱼肉烧出嚟都唔会好干，而且肉汁丰富，好嫩滑。泰式肉碎生菜包$72肉碎炒得好惹味，有好多唔同香料嘅味道，红葱头，南姜，香矛，柠檬叶等，味道有少少辣，生菜亦新鲜爽脆，夹埋一齐食清爽好味，而且好开胃。猪颈肉炒椰菜苗$72炒椰菜苗唔系间间都煮得好食，呢度嘅椰菜苗唔会炒得过稔，入口爽脆清甜，而且冇草腥味，炒得清爽冇油腻感，半肥瘦猪颈肉嫩滑好食。埋单$300有找，唔需要加一，值得一赞嘅系，店员款代热情，非常有礼貌。