老馮茶居 (大棠路)

Weekend同女友入元朗行下千色汇嘅时候见到隔离就有好出名嘅怀旧老冯茶居，二话不说就入去试下佢有几好食！茶楼装修设计古色古香，彷如停留左系六七十年代嘅老香港，充满怀旧气氛，适合一家大小嚟感受下老香港嘅味道。今次叫左几款点心比大家做个参考：叉烧包：大大个，热辣辣，好足料。炸芋角：松脆，香芋味十足。马拉糕：大大份，蛋香味好浓，层次丰富。蒸凤爪：大大只，份量够两个人分享食，非常之入味。招牌牛筋腩肠粉牛筋系出色地好淋好易入口，牛腩爽口食落冇根唔黐牙。怀旧芒果布甸虽然食到好饱不过甜品系另一个胃嚟，所以见到呢个小时候经常食嘅心形芒果布甸就即刻叫嚟食，童年回忆立刻番晒嚟。大家去到茶居一定要叫！