至友美點

营业中

休息中

自己平日好少入元朗，难得行街行到去元朗，就叫熟元朗嘅带路食好野。餐厅装潢都系偏旧式，入面啲枱櫈有少少似大排档个类。听讲呢间店系24小时营运，宵夜都有得食点心都几过瘾。-蜜味叉烧肠肠粉正常水准，叉烧蜜味颇香，食落都不错。-至友虾饺皇虾饺几大粒同弹牙，带鲜虾香甜。饺皮软糯，味道怀旧。-鲜虾韭菜饺由于我系好钟意食韭菜饺，见到点心铺有韭菜饺当然唔执输要试下。但饺子同我预期中个样都几唔同下，无谂过系用包粉果嘅皮。虽然我都钟意食粉果，但包韭菜有少少奇怪。食落味道不过不失，虾肉几大粒，韭菜再香啲会更好。-北菇滑鸡饭盛载滑鸡饭嘅碗令我啲童年回忆返晒嚟，有种食紧外婆煮嘅饭嘅感觉。北菇几香，可惜唔系好多粒。鸡件入口滑嫩，无乜雪藏味，整体唔错。