影片
更多
2023-01-05
239 浏览
维港湾饺子坊 V Bay Handmade Dumplings 📍 元朗教育路77号京都阁地舖唔系好记得第一次食维港湾系几时，但好肯定帮衬过佢哋十几廿次，原因好简单，因为佢哋嘅饺子够晒多款式，而且无论煎饺定汤饺都好有品质保证！即使系手工做嘅饺子，每次食都系差唔多嘅味道，真难得，而且系黄店，当然要大大力支持！呢日我就同妈咪阿妹一齐食佢哋嘅饺子，叫咗三个唔同类别嘅饺餐，一次过试到唔同口味！ 💰$46双拼煎饺 🥟呢个双拼煎饺餐可以拣两款，共六只煎饺。唔知大家拣汤饺同煎饺有无准则㗎呢？我个人嚟讲，食煎饺我比较钟意拣浓味馅嘅，而汤就拣啲淡啲清新啲嘅馅，因为煎饺嘅脆皮配上浓浓嘅肉汁会正过放汤。所以今次我哋都拣咗两款偏浓味嘅饺子，分别系我至爱嘅韭菜鲜肉饺同从未试过嘅泡菜鲜肉饺。煎饺嘅皮好香脆，馅料亦刃多汁，钟意食浓味嘅可以试下韭菜，而唔食得辣嘅都可以试下泡菜，不过两者拍埋一齐比较，我都系钟意韭菜多啲！随餐送靓汤一碗，今次系赤小豆粉葛猪骨汤，睇相都见到有大大嚿粉葛，真材实料无味精嘅老火汤，都咪话唔正！ 💰$46芝士粟米鸡肉饺汤面 🍜我妹嚟到最钟意佢哋嘅芝士粟米鸡肉饺，虽然粟米同鸡肉呢个配搭本身比较清淡
📍 元朗教育路77号京都阁地舖
唔系好记得第一次食维港湾系几时，但好肯定帮衬过佢哋十几廿次，原因好简单，因为佢哋嘅饺子够晒多款式，而且无论煎饺定汤饺都好有品质保证！即使系手工做嘅饺子，每次食都系差唔多嘅味道，真难得，而且系黄店，当然要大大力支持！
呢日我就同妈咪阿妹一齐食佢哋嘅饺子，叫咗三个唔同类别嘅饺餐，一次过试到唔同口味！
[价钱 Price]
💰$46
双拼煎饺 🥟
呢个双拼煎饺餐可以拣两款，共六只煎饺。唔知大家拣汤饺同煎饺有无准则㗎呢？我个人嚟讲，食煎饺我比较钟意拣浓味馅嘅，而汤就拣啲淡啲清新啲嘅馅，因为煎饺嘅脆皮配上浓浓嘅肉汁会正过放汤。
所以今次我哋都拣咗两款偏浓味嘅饺子，分别系我至爱嘅韭菜鲜肉饺同从未试过嘅泡菜鲜肉饺。煎饺嘅皮好香脆，馅料亦刃多汁，钟意食浓味嘅可以试下韭菜，而唔食得辣嘅都可以试下泡菜，不过两者拍埋一齐比较，我都系钟意韭菜多啲！
随餐送靓汤一碗，今次系赤小豆粉葛猪骨汤，睇相都见到有大大嚿粉葛，真材实料无味精嘅老火汤，都咪话唔正！
[价钱 Price]
💰$46
芝士粟米鸡肉饺汤面 🍜
我妹嚟到最钟意佢哋嘅芝士粟米鸡肉饺，虽然粟米同鸡肉呢个配搭本身比较清淡健康，但加咗芝士后，又唔会话太寡，适合唔钟意太重口味嘅人。
佢哋有好几款面供选择，我哋每次都会拣波菜面。唔好睇佢颜色咁奇怪，其实食落无咩波菜味，面质好似拉面，相信系大部分人都可以接受到嘅口味。
[价钱 Price]
💰$46
胡椒猪肚鲜肉饺汤面 🍜
胡椒猪肚汤一向喺我心入面占一重要席位，见到宣传单张话有一款店舖限定嘅胡椒猪肚汤饺，当然要叫呢试下啦！碗面未嚟到前，我同阿妹仲喺度估到底系咩饺子配猪肚汤，谁不知原来系胡椒猪肚馅嘅饺子，真系超特别！
佢嘅汤底无胡椒味，应该系一般汤底嚟嘅，但饺子包住嘅馅料超浓味，猪肚都好爽口，而且无臭味，够足料够好味！面都系拣咗波菜面，饺子只只饱满，大大碗都唔洗$50，真系超值！
张贴
