緣聚 (已搬遷) 新店位置

劳动节翌日，同四个fd特登约出黎食野，原本系想试附近间韩国料理，点知冇位然后就发现左对面嘅呢间西日放题，里面大把位，仲要午市只系八十八蚊起，所以我地就转軚食放题点知入到去先知伏左，原来八十八蚊净系包寿司、卷物/手卷、前菜/沙律、天妇罗/扬物同食事，仲要加一服务费（其实餐牌有写，但系我地一见到八十八蚊就急不及待入左去）我地就冇要全包，净系每人加多五蚊升级饮品。第一轮惯性地叫劲多野食，叫左好多寿司，之后就开始后悔食放题其实根本唔应该食太多寿司，所以之后都冇再叫。印象比较深刻嘅野食系流心朱古力棒棒串，个卖相虽然唔系太吸引，但个味道就真系好掂有少少似心太软，不过就系一串串咁，几新奇有趣。蟹籽沙律比起刺身沙律好食，d沙律酱比得几足相反刺身沙律就比得劲少，个人认为呢d食唔饱又好食，所以我地一共叫左十一客仲有一个叫芝心片嘅野都好正，块野入面d芝士好似拉唔尽咁，个感觉几有趣。但系有一个叫忌廉蟹肉薯饼嘅野就真系麻麻地，有少少奇怪。虽然选择少，但系食到好饱，可能系d野食饱肚啦，一百蚊左右嘅质素其实都算系咁，个人认为冇咩特别，所以就冇一种食过番寻味嘅感觉喇。