潮龍清湯腩 (已結業)

夜晚谂住简单食一餐，拣粉面档就最好架啦！朋友叫左清汤牛坑腩幼面 ($32)，我叫左鸳鸯牛腩米线 ($39)，另外加咗 ($10) 腩汁萝卜好欣赏呢间舖头嘅汤底调味啱啱好，唔会过咸，同埋食完唔会好口渴，应该冇味精😂 牛坑腩汤底比较甜，肉质比崩沙腩瘦，但系食落够腍，牛味亦都好重😋鸳鸯牛腩有潮式清汤腩同广府式柱候牛腩两款肉，汤底比较浓味😋我自己钟意清汤腩多啲，因为肉质食落非常软熟，同样牛味都系重。柱候牛腩就会相对干身少少~萝卜冇渣，本身都甜，同埋冇刻意浸糖水𠮶种味，加埋腩汁好好食😋最后我哋仲叫咗两樽雪梨菊花茶，细细樽份量啱啱好，老板话系自己煲，夏天饮啱晒👍🏻三款牛腩各有风味，呢个价钱来讲CP值几高🤣