影片
更多
2023-10-16
5 浏览
平时钟意同朋友捐窿捐罅，睇吓有啲咩宝藏小店好食，今日我哋就嚟到呢间元朗嘅黑木亭，出边嘅装修睇上去几别致·，一于就试吓佢！首先我哋叫咗蟹将军薯仔沙律，蟹肉意外地几鲜甜，但薯仔沙律先系主角，薯仔打到变蓉，食落去又会有一粒粒大大粒软林林嘅薯仔，配埋少少蟹子，成个口感非常丰富。跟住讲下个玉子汁烧脆活鳗鱼，玉子调味啱啱好唔会太甜，鳗鱼肉质好淋好嫩，而且冇啲细骨吉口，最重要系个鳗鱼汁，增添𠮶少少咸味，同成个串完美配搭。我同朋友第一次见炸葱吞拿鱼蓉𩽾𩾌鱼肝卷，一于试下。每卷寿司真系超大件，吞拿鱼蓉份量好多，有淡淡甜味，肉质新鲜。𩽾𩾌鱼肝本身冇咩味道，口感软淋，食落去有浸油香味， 配埋吞拿鱼上面嘅炸葱，𩽾𩾌鱼肝个香味更加突出， 值得一试！跟住个椰皇寿喜烧A5宫崎+M7澳洲和牛宝盒 一嚟到好震撼，成个木盒装住唔同等级嘅牛肉，仲有两只鲜虾同埋福袋。讲下个牛肉先，A5宫崎口感好嫩滑，完全唔使咬，入口即溶，M7澳洲和牛都唔执输，肉质比A5更加厚，一样咁嫩滑，咬落去个肉感更加丰富，好满足。 个寿喜烧汤底系先加咗啲椰子水再加寿喜烧汁，椰子水好抌本加咗好多，啲和牛增添咗少少椰子水嘅香味，意外地衬托到和牛啲肥肉位更有
首先我哋叫咗蟹将军薯仔沙律，蟹肉意外地几鲜甜，但薯仔沙律先系主角，薯仔打到变蓉，食落去又会有一粒粒大大粒软林林嘅薯仔，配埋少少蟹子，成个口感非常丰富。
跟住讲下个玉子汁烧脆活鳗鱼，玉子调味啱啱好唔会太甜，鳗鱼肉质好淋好嫩，而且冇啲细骨吉口，最重要系个鳗鱼汁，增添𠮶少少咸味，同成个串完美配搭。
我同朋友第一次见炸葱吞拿鱼蓉𩽾𩾌鱼肝卷，一于试下。每卷寿司真系超大件，吞拿鱼蓉份量好多，有淡淡甜味，肉质新鲜。𩽾𩾌鱼肝本身冇咩味道，口感软淋，食落去有浸油香味， 配埋吞拿鱼上面嘅炸葱，𩽾𩾌鱼肝个香味更加突出， 值得一试！
跟住个椰皇寿喜烧A5宫崎+M7澳洲和牛宝盒 一嚟到好震撼，成个木盒装住唔同等级嘅牛肉，仲有两只鲜虾同埋福袋。讲下个牛肉先，A5宫崎口感好嫩滑，完全唔使咬，入口即溶，
M7澳洲和牛都唔执输，肉质比A5更加厚，一样咁嫩滑，咬落去个肉感更加丰富，好满足。 个寿喜烧汤底系先加咗啲椰子水再加寿喜烧汁，椰子水好抌本加咗好多，啲和牛增添咗少少椰子水嘅香味，意外地衬托到和牛啲肥肉位更有油香，食到最后啲蔬菜依然有浸椰子水嘅香味！
饮品方面， 我同朋友一人一杯蓝蝶花佛手柑熊茶同埋绿茶鲜奶熊猫脆脆，两杯嘢饮上面都会有一只冰熊仔，超级得意，打卡必嗌！外貌好睇，味道都唔差，蓝蝶花佛手柑熊茶，蓝蝶花 唔系好出但有淡淡的香味，被佛手柑嘅甜味抢左少少，但两者配搭好清甜。绿茶鲜奶熊猫脆脆，绿茶味啱啱好，唔会太苦太甜，奶底好香好滑。有啲惊喜嘅系两只熊仔都唔系普通嘅冰，系饮品雪到变冰，所以就算溶晒杯嘢都唔会淡味。
张贴
