堅信號上海生煎皇 (形點 II)

营业中

休息中

难得闲日入元朗，行完Yoho就顺便同朋友去食坚信号。Menu选择都算多。我地叫左生煎包，生煎包个底煎到好香脆，香口得嚟咬落肉汁丰富。仲有食用教学添！坚麻辣系列都好正咁，因为朋友唔太好辣，所以只系叫左个麻辣青瓜试下，青瓜好爽口，食落又唔会话好辣。糖醋排骨menu上写有5件，但上餐见到唔止5件，有成7 、8件，排骨好𣺉，一咬就甩骨，仲酸酸甜甜咁好开胃。坚信号秘制猪扒担担面，欣赏佢猪扒同面分开上，咁就唔怕秘制猪扒俾啲汤抢左味。一碗担担面份粮算多，个汤好浓味，有少少辣辣地。猪扒腌到好入味，咬落软硬啱啱好。叫左热嘅杯桂圆红枣茶，养生又好饮。走𠮶阵时见到都仲有唔少人等外卖，睇返menu都几抵食咁。