瀛喜日本料理 (已結業)

又好耐冇写过食评, 亦都好耐冇放过题! 今日食到入黎元朗,班FRIEND特登拣呢间放题,话好多好评, 唔怕唔好食咁话㖞!去到门口, 真系多人到爆,好在有BOOK位, 唔系都唔知等到几点班友话好鬼肚饿,一开波就叫左牛肉乌冬,心念, 唔系化, 咁饱肚?估唔到又几好味㖞,D边炉肥牛半肥半瘦劲惹味LOL番茄辣酒煮蚬虽然几辣,但够晒惹味,可惜得果2,3粒, 唔够喉要叫多转!估唔到佢个必食辛辣鱿鱼须又系劲辣,味道系唔错又有咬口,但班fd以为佢系酒楼炸鱿鱼,下次都系叫椒盐好d! 另外羊架劲大旧又唔骚,肥瘦均云好鬼正!但系串烧就冇乜惊喜啦,鸡皮老火得滞, 免治鸡又有D鞋,猪仔肠味道系就系唔错, 但好普通啰!后来先上既冻茄子落左麻酱好鬼正, 甜而不漏~火灸寿司又系必试,样样都好有水准,饭又唔大旧!佢个牛油带子好鬼死重牛油味,加埋粟米真系绝配,不过唔系铁板上就要扣分啦~ 最正系刺身叫几多比几多,完全冇漏单, 而且又新鲜,不过冇冰就唔够细心啦, 食食下唔够冻咁点呢? 话时话佢个龙虾汤好鬼搞笑,结到好似浆咁,用黎点D煮物食好夹, 哈哈天妇罗就叫左芝士鱼饼,虾,蟹爪,多春鱼墨鱼丸,哇, D配搭咁特别, 唔系唔试