越北牛肉粉專門店

营业中

休息中

自上星期发现呢个顺福粮仓新商场，就成日走黎睇下有咩新店开左。是日黎试下越北，食过佢其他分店都唔错。下午茶时段黎到，好受欢迎好多食客㖞，等左一阵先有枱🙂🥣越北综合牛肉汤粉自己点左碗综合，贪佢咩都有啲，有生牛肉、牛腩片、牛肉丸，粉就要左金边粉，汤底几鲜味，生牛同腩片都好食，但最正系牛丸，有牛味又爽口，细细粒size啱啱好一口一粒。🥣顺化汤檬朋友试左顺化，想试下佢个辣汤底㖞，入面有牛腩片、扎碲、扎肉、牛肉丸，朋友话四样都好食，不过佢都赞同牛丸最正～🍤炸虾饼&猪颈肉再加左两款小食，因为系跟餐小食，份量真心有点少😅猪颈肉烧得香口几好食，炸虾饼不过不失可以一试。🥤椰汁三色冰&椰汁仙沙冰另外仲转左做特饮，两杯都系椰汁冰但唔同配料，个椰汁好香甜好好味，啱晒而家十一月都仲三十度嘅天气，遗憾系细杯左啲唔够喉🤪小店唔使加一，食咁多野都系一百蚊人头左右，都几抵食㖞。