泰瀾鑊 (朗壹廣場)

营业中

休息中

经朋友介绍，先知道朗屏呢边有一间泰菜餐厅，今日同男朋友过嚟呢边就试吓。呢度嘅装修比较偏向新潮，亦都算坐得几舒服～呢度嘅食物选择都好多，我哋叫咗四样嘢～首先系朋友大推嘅清迈秘制串烧双拼 ($118)，有猪同鸡各三串，相当大串😆佢亦都配咗两只酱，分别系沙嗲酱同埋辣辣哋嘅沙律酱，最惊艳嘅系鸡肉串，冇食过一啲串烧鸡系可以咁嫩，依然保持肉汁，非常好食😋招牌泰式海南鸡半只 ($128)相对冇咁惊艳，份量唔算好多，但系肉质都系唔会嚡，正常水准～之后叫咗一个金砖蒜蓉多士 ($48)，男朋友食咗一啖就话好好食，多士本身非常脆口，蒜蓉味浓，呢个份量绝对对得住佢嘅价钱😍最后我哋叫咗一个泰式明炉乌头 ($198)，呢个系唔辣嘅，但系佢嘅份量真系好多，首先条乌头好嫩滑，亦非常之大条～另外要赞吓佢嘅配料非常丰富，除咗有常见嘅秀珍菇、香芹之外，下面仲垫咗大量粉丝，食完真系超级饱🤣另外一样用心嘅地方系佢会另外比一碗汤我哋等煲煲吓开始冇汤嘅时候再加落去，避免痴底之余，亦可以保留汤汁，非常细心😋食泰国嘢就一定唔少得椰青 ($48)，overall呢一餐真系非常之满足😆