The Yell-Owl Seafood And Grill (已結業)

是日星期五晚上，餐厅新开数日，已经坐无虚席。好彩订了位，如果唔系又要食闭门羹。今次光顾，是为了新张期内9月30日前，二人晚餐做紧特价$368，所以一试。其次是为了佢哋嘅招牌菜，全日早餐而来，可惜早餐晚上冇得食，唯有下次下午再嚟过啦。讲返个二人晚餐，有南瓜汤两碗，一碟沙律菜，一份热嘅迷你海鲜拼盘，一份牛扒，一碟意粉，两杯餐饮或甜品，两个人食份量足够。总结服务态度良好，食物质素不错，可惜环境音乐过大，加埋人声好嘈，位置隔涉，不是太就脚。试业期间，仲有好多改善嘅地方，例如音乐声过大，南瓜汤卖晒要再煲，上主菜慢，海鲜拼盘冇带子转蚬又冇通知顾客，晚餐甜品卖晒只有餐饮，晚市只提供二人晚餐，一个人食要散叫，餐厅电话坏咗冇得直接订位。期待下次，会变得更好，再试全日早餐。