老闆火鍋冰室

营业中

休息中

今日收工突然间心血来潮，想去食个火锅因为而家有返晚市咁就约女朋友去元朗揾好嘢食！今次就拣咗「老板火锅冰室 」！虽然喺元朗大家都记得喺丰年路轻铁站行过去系最近㗎，去到大大个招牌好易揾到，虽然佢系火锅冰室但系一啲都唔重油烟味，每个位置都好阔落同埋装修都好有格调令你坐喺度食嘢一啲都唔觉得系打边炉！反而好有怀旧嘅感觉！虽然佢呢度都有鸡煲拣，但系食得太多都好闷，所以今次就拣咗胡椒猪肚汤加半只鸡再加火锅配料！胡椒猪肚鸡窝个汤底一上到真系香到不得了，落足材料之余个汤底都十分入味，酸菜猪肚再加埋半只鸡已经令到入味嘅汤底十分浓郁，再配合埋火锅真系一流！金菇木耳娃娃菜今次拣咗呢几样蔬菜类火锅配料，冰室都好细心有得俾你拣一碟或者半碟，令到你可以睇清楚个份量再加其他嘢食有多啲选择，然而搬碟嘅份量都够两个人食，材料都好新鲜娃娃菜都好鲜甜！蟹子鱼滑仲有叫咗呢个蟹子鱼滑，拎到上嚟望住个鱼滑，真系好足料，每个鱼肉都沾满咗蟹子，食落弹牙爽口简直口感一流！雪花肥牛重头戏就系雪花肥牛啦，佢嘅选择一样有大碟同埋细碟，当然两个人撑枱脚一定食大碟牛喇，不过估都估唔到佢系厚切嘅雪花肥牛，虽然佢系厚切但系一啲都唔韧，雪花均匀仲有啲爽