雲川百味

营业中

休息中

最近发现元朗商会中学附近开咗一间新嘅酸辣米线铺。见到人介绍话佢哋个猪颈肉系招牌，咁就试试佢喇。位置都几就脚方便，附近有中学，轻铁站，元朗广场，喜利商场。要行过去食都算方便既。店面都宽敞，好多张枱，容纳到好多枱食客，又有卡位坐，边食米线边望窗外风景。我同友人分别拣咗2碗米线：猪颈肉配墨鱼饼，麻酸辣小辣汤底，冻柠茶猪颈肉配虾卷，麻酸辣小辣汤底，冻柠茶米线份量都大碗，软硬适中。我唔喜欢太淋太硬。汤底觉得系小麻偏酸，辣度系入到口嘅小辣，唔会太辣，都几惹味。但系食多几啖，觉得个汤底咸咗少少，都系属于偏浓味的酸辣汤底。猪颈肉烧得好正好好食，甜甜哋又脆口，juicy及弹牙。虾卷味道都唔错。2者都同呢个汤底及米线好夹。小食叫咗脆皮炸猪大肠。卖相好吸引好邪恶😍，炸得好香脆，脂肪好香。