小鍋米線

营业中

休息中

朋友要去巴黎草莓买野，近近地就去左元朗，每次入到元朗我都特别开心，事关呢处真系好多好野食，平贵都有丰俭由人，豆腐花、串烧、车仔面、甜品、烧鹅、拉面、放题、韩国野、扒房.....真系数之不尽。因为迟下要破财，都系悭D驶好，谂住去士林食碗牛肉面，点知远见铺头落左闸，心知不妙，原来休店至7月尾，于是转战附近既<小锅米线>。记得几年前第一次接触<小锅米线>，系由Celine介绍，仲话呢度系全元朗最好味既米线添。去任何食店都会试试招牌食品，一于要招牌小锅米线跟南乳炸鸡，唔好睇小呢个米线，配料相当丰富，鸡肉、鲜菌、酸辣肉碎、炸酱、腐皮、芽菜、菜、秘制甜酸菜。由于小弟唔嗜辣，所以冇加任何麻辣，但放心，汤底相当够味，比起谭仔既清汤浓郁得多，而甜酸菜令汤中带一点点酸味，可以中和肉类/汤头既油腻，呢点最为我所爱。其实呢个米线净食配料都够，铺满左成个碗，米线都完全被遮盖，十个正.....𩠌食方面就要左南乳鸡件，用鸡中翼一开二，味道都唔差既，但实在太细只喇，仲要冇去骨，所以都冇乜肉食，讲开米线店既炸鸡，都系荃湾<老板娘云南米线>既酥炸鸡球最正，啖啖肉，可惜已经结