影片
更多
2021-03-06
41 浏览
经过呢一个疫情，真系少咗出去可以晚市食野，今次终于放宽啦，梗系出去庆祝吓啦。呢排天气凉凉地，咁你走去食鸡煲火锅啦。今日约咗朋友去咗元朗一间嘅鸡煲冰室食鸡煲^_^。入到去个环境充满咗香港嘅怀旧特色，喺众多闹市之中非常突出！最重要环境卫生都好好，好干净！好啦事不宜迟啦，肚仔饿啦！餐厅嘅餐牌有好多种类，有火锅🍲汤底，配料同鸡煲啦啦，有唔同嘅小食小菜，都有唔同嘅特色饮品。价钱相当唔错！哗！仲有花胶啊花蟹啊同埋鲍鱼添！今次带咗特别开胃嘅重庆酸辣鸡煲～重庆酸辣鸡煲好味指数：10/10可以讲嘅系，餐厅可以话系落足材料！我地左半只，但系啲鸡肉好厚身，好多肉～所以你哋要煲来啲，因为啲肉厚到未咁快熟！店员服务非常之好，帮我哋去烹调同搅拌均匀。净系睇见都流口水🤤啊！好啦终于完成咗啦，即刻夹几块嚟食，入口完全多汁入味，又唔会完全盖过鸡肉嘅鲜味～啲鸡皮薄，无乜脂肪，肉扎实鲜嫩，最重要嘅系啲配料：洋葱🧅，蒜头🧄，葱都非常好食😋！仲有我哋食咗好耐一直都唔觉得好颈渴！自己食过咁多间餐厅个鸡煲，呢间系元朗里面系数一数二，非常推介大家去食！我哋都叫咗好多唔同小食！泡椒无骨凤爪好味指数：8/10除咗主打嘅鸡煲火锅之外，小食
经过呢一个疫情，真系少咗出去可以晚市食野，
今次终于放宽啦，梗系出去庆祝吓啦。
呢排天气凉凉地，咁你走去食鸡煲火锅啦。
今日约咗朋友去咗元朗一间嘅鸡煲冰室食鸡煲^_^。
入到去个环境充满咗香港嘅怀旧特色，喺众多闹市之中非常突出！最重要环境卫生都好好，好干净！
好啦事不宜迟啦，肚仔饿啦！
餐厅嘅餐牌有好多种类，有火锅🍲汤底，配料同鸡煲啦啦，有唔同嘅小食小菜，都有唔同嘅特色饮品。价钱相当唔错！
哗！仲有花胶啊花蟹啊同埋鲍鱼添！
今次带咗特别开胃嘅重庆酸辣鸡煲～
重庆酸辣鸡煲
好味指数：10/10
可以讲嘅系，餐厅可以话系落足材料！我地左半只，但系啲鸡肉好厚身，好多肉～所以你哋要煲来啲，因为啲肉厚到未咁快熟！店员服务非常之好，帮我哋去烹调同搅拌均匀。净系睇见都流口水🤤啊！好啦终于完成咗啦，即刻夹几块嚟食，入口完全多汁入味，又唔会完全盖过鸡肉嘅鲜味～啲鸡皮薄，无乜脂肪，肉扎实鲜嫩，最重要嘅系啲配料：洋葱🧅，蒜头🧄，葱都非常好食😋！仲有我哋食咗好耐一直都唔觉得好颈渴！自己食过咁多间餐厅个鸡煲，呢间系元朗里面系数一数二，非常推介大家去食！
我哋都叫咗好多唔同小食！
泡椒无骨凤爪
好味指数：8/10
除咗主打嘅鸡煲火锅之外，小食小菜亦都非常之惹味！泡椒凤爪非常之弹牙，唔会有一种好重嘅醋味，酸辣味道啱啱好，食完浓厚嘅味嘅食物，食完呢个凤爪之后都有中和嘅作用；
盐香脆炸鱿鱼须
好味指数：9/10
鱿鱼须亦都炸到非常之香脆，食落去咬落去系会听到脆卜卜既声，啲炸粉亦都放得啱啱好唔会太厚，鱿鱼须亦都非常之弹牙大条，成叠嘅份量亦都非常之多，非常之抵食好食！；
麻辣手拍青瓜
好味指数：9/10
一上到碟个青瓜好厚同埋大块，咬落去非常之爽脆，啲酱汁唔会盖过晒青瓜嘅味道。
沙姜猪手
好味指数：10/10
可以同大家讲呢个一定要点嘅小食之一！首先呢个砂礓汁酱系餐厅秘制，非常之香，真系可以攞嚟点酱！啲猪手好食到非常之难以形容，啲猪骨肉好爽口弹牙，一定要将猪手沾满啲沙姜酱，非常之惹味！
鸡煲食完之后就当然就系佢度打边炉嘅环节啦！
我哋嗌左几碟火锅配料：
红薯粉，美国黑豚花腩片，猪膶同日本广岛蚝。
好味指数：10/10
首先啲蚝肉非常之新鲜，可以讲一咬落去啲肉汁全部爆晒出嚟，嫩滑厚肉！真系新鲜嘅蚝肉先可以做到，非常大家推荐去叫一碟！；花腩片亦都非常之好食，非常知扎实，花腩同肉层次分明；猪膶都非常之好食，一啲都唔鞋，非常之爽滑！红薯粉唔使讲，完全索晒火锅汤底嘅味道，非常之烟韧，夹落去完全唔会散开！
总括嚟讲呢间餐厅喺元朗数一数二，大家一定要去试试！
张贴
